Acreditación de UCs do CS de Xestión forestal e do medio natural

NOTA INFORMATIVA AXENTES FORESTAIS /MEDIOAMBIENTAIS,

Acreditación de UCs do CS de Xestión forestal e do medio natural.

Convocatoria específica do proceso de acreditación de competencias para determinadas unidades de competencia do Catálogo Nacional de Cualificacións Profesionais incluídasno CS de Xestión forestal e do medio natural, en desenvolvemento do Acordo de colaboración subscrito entre a Consellería de Medio Ambiente e Ordenación do Territorio, a Consellería de Cultura Educación e Ordenación Universitaria e a Consellería do Medio Rural.

Para proceder ao seu desenvolvemento, esta convocatoria publícase con data 27 de abril de 2017 mediante a Resolución do 26 de abril de 2017 pola que se convoca o proceso de acreditación de competencias profesionais adquiridas a través da experiencia laboral, para determinadas unidades de competencia do Catálogo Nacional de Cualificacións Profesionais.

Coa publicación desta convocatoria no portal de formación profesional ábrese o prazo de presentación de solicitudes ata o día 11 de maio de 2017.

A convocatoria será publicada integramente no portal de formación profesional na seguinte dirección:

http://www.edu.xunta.es/fp/acreditacion-ucs-cs-xestion-forestal-medio-natural

A convocatoria ten como destinatarias as persoas integrantes das escalas de axentes facultativos ambientais do corpo de axudantes de carácter facultativo e dos axentes forestais do corpo de auxiliares de carácter técnico, que contan cos requisitos académicos de acceso a ciclos formativos de grao superior, recollidas no anexo do referido acordo.

O desenvolvemento do proceso terá lugar nos centros integrados de formación profesional (CIFP):

As unidades de competencia obxecto desta convocatoria son as relaciondas co título de técnico superior en Xestión Forestal e do Medio Natural:

Requisitos de participación no procedemento:

-Posuír a nacionalidade española; atoparse incluido como residente comunitario ou familiar de este, no ámbito da aplicación do RD 240/2007, do 16 de febreiro, sobre entrada, libre circulación e residencia en España de cidadáns da UE; ou ser titular dunha autorización de residencia en España en vigor.

-Ter cumpridos no momento de realizar a inscrición, 18 anos para as unidades de competencia correspondentes a cualificacións de competencia de nivel I e 20 anos para as unidades de competencia de nivel II e III.

-Ter experiencia laboral e/ou formación relacionada coas competencias profesionais que se queiran acreditar.

No caso de experiencia laboral, xustificar polo menos tres (3) anos, cun mínimo de 2.000 horas traballadas en total, nos últimos dez anos transcorridos antes de realizarse a convocatoria, para unidades de competencia de niveis II e III, e para unidade competencia de nivel I, xustificarán cando menos 2 anos cun mínimo de 1.200 horas traballadas en total.
No caso de formación, xustificar polo menos 200 horas para unidades de competencia de nivel I ou 300 horas para as unidades de competencia dos niveis II e III, nos últimos dez anos transcorridos antes de realizarse a convocatoria. Nos casos en que os módulos formativos asociados á unidade de competencia que se pretenda acreditar prevexan unha duración inferior, deberanse acreditar as horas establecidas nestes módulos.

-As persoas candidatas non poderán estar matriculadas nun curso de formación profesional inicial (ordinario ou modular) ou realizando formación profesional para o emprego, conducente á acreditación das unidades de competencia nas cales solicita a súa inscrición. Tampouco poderán estar en posesión dun título de formación profesional ou dun certificado de profesionalidade que conteña a/s unidade/s de competencia que solicita, nin as súas equivalentes ou a acreditación parcial da/s competencia que solicita. Así mesmo, non poderán estar inscritas noutro procedemento de recoñecemento da experiencia profesional, ou nas probas libres para a obtención do título de formación profesional, levado a cabo por calquera administración u organismo público, conducente a acreditación das mesmas unidades de competencia. Para todo isto, presentarán declaración responsable, segundo o modelo que figura como anexo III desta resolución de convocatoria.

A xustificación da experiencia laboral farase cos seguintes documentos:

Para traballadores e traballadoras asalariados.

Certificación da Tesouraría Xeral da Seguridade Social, do Instituto Social da Mariña ou da mutualidade laboral en que se teña afiliación, onde conste a empresa, a categoría laboral (grupo de cotización) e o período de contratación (vida laboral).
Contrato de traballo ou certificación da empresa en que se adquirise a experiencia laboral, que reflicta especificamente a duración dos períodos de prestación do contrato, a actividade desenvolvida e o período en que se realizase a devandita actividade. De ser o caso, a certificación da empresa deberá xerarse dende a aplicación informática.

Xustificación da formación.

Para as competencias profesionais adquiridas a través de vías non formais de formación, a xustificación realizarase mediante documento que acredite que a persoa candidata posúe formación relacionada coas unidades de competencia que se pretenda acreditar.

En cada certificado achegado deberán constar os contidos e as horas de formación, a entidade que expide o certificado e o título da actividade de formación. No caso de ter realizados estudos parciais para a obtención dun título oficial ou certificado de profesionalidade pertencente a plans de formación extinguidos, débese presentar o correspondente certificado expedido polo centro oficial responsable.

Presentación de solicitudes e inscrición.

As solicitudes deberán presentarse en papel na secretaría do centro integrado de formación profesional (CIFP) onde se vaia desenvolver o procedemento.

A solicitude de participación no procedemento farase empregando a aplicación informática subministrada pola Consellería de Cultura,Educación e Ordenación Universitaria, que se atopa no enderezo http://www.edu.xunta.es/acreditacion. A solicitude conforme ao modelo que figura como anexo III desta orde, logo de ser cuberta e xerada pola aplicación, deberase imprimir para a súa presentación, xunto coa documentación indicada na solicitude. Os datos relacionados coa documentación xustificativa do historial profesional e/ou formativo alegados e dos requisitos de participación no procedemento segundo o establecido nos artigos 6 e 7 desta orde cargaránse tamén na dita aplicación informática. En caso de enviarse por correo, o envío da solicitude, deberá ser certificado, co selo de correos no encabezamento da primeira folla do formulario para garantir que a data de remisión é anterior á finalización do prazo de presentación. Deberase xuntar copia compulsada da documentación que se precise.

De non presentar a solicitude e documentación consonte o establecido anteriormente, as solicitudes serán excluídas do proceso de admisión.

Xunto coa solicitude, deberase presentar a seguinte documentación:

Copia do DNI/NIE da persoa solicitante, só no caso de denegar expresamente a súa consulta.
Certificado acreditativo da discapacidade no caso de non ser emitido pola Xunta ou de denegar expresamente a súa consulta, no caso de solicitar algunha adaptación ou a exención das taxas.
Curriculum vitae europeo en formato oficial. Poderase xerar dende a aplicación cós datos incorporados nas pestanas de formación, experiencia e historial profesional e formativo.
Copia dos certificados que acrediten a formación alegada, nos que consten os contidos e as horas de formación e o organismo que a acredita.

Solicitantes que reúnan os requisitos pola vía da experieriencia laboral e adquiran as competencias como traballadores e traballadoras asalariados.

Certificado da Tesouraría Xeral da Seguridade Social, do Instituto Social da Mariña, ou da mutualidade laboral na que se teña afiliación, onde consten a empresa, a categoría laboral (grupo de cotización) e o período de contratación (informe de vida laboral).
Copia dos contratos de traballo.
Certificado da empresa no que se adquirira a experiencia laboral, no que especificamente a duración dos períodos de prestación do contrato, a actividade desenvolvida e o intervalo de tempo na que se teña realizado a dita actividade segundo modelo de anexo V.

A falsidade nos datos achegados ou declarados suporá a exclusión do procedemento.

Cada participante cubrirá unha única solicitude.

As listaxes de persoas solicitantes e de aquelas que necesitan emendar documentación serán publicadas no portal educativo da Dirección Xeral de Educación, Formación Profesional e Innovación Educativa http://www.edu.xunta.es/fp, no prazomáximo de 10 días dende o remate da presentación de solicitudes e terá efectos de notificación ás persoas interesadas. Tamén serán publicadas na páxina de inicio da aplicación informática. Así mesmo, as persoas solicitantes poderán consultar a súa situación accedendo ao seu expediente na aplicación informática.

Os solicitantes contarán cun prazo de 2 días hábiles contados dende o seguinte ao de publicación das listaxes de solicitantes para a subsanación do defecto ou omisión na documentación entregada. As subsanacións presentaranse no mesmo lugar e na mesma forma que as solicitudes.

As listaxes definitivas de persoas admitidas e excluídas para cada unidade de competencia publicaranse a partir do 1 de xuño de 2017, con indicación da causa de exclusión de ser o caso, nos lugares indicados anteriormente e cos mesmos efectos de notificación.

Os candidatos admitidos estarán en disposición de pasar ás fases de asesoramento e avaliación.

Fases do procedemento.

A instrución do procedemento desenvolverase nas seguintes fases: