CSIF, CC.OO e UGT, tras solicitalo conxuntamente, o pasado venres mantivemos unha xuntanza coa conselleira do Medio Rural, na que tamén participaron o director xeral de Defensa do Monte, a secretaria xeral da Consellería e o subdirector de Extinción. Na reunión trasladamos unha serie de cuestións prioritarias que afectan directamente ás condicións laborais, retributivas e organizativas do persoal do Servizo de Prevención e Defensa contra Incendios Forestais (SPIF).
CSIF vén de publicar unha Guía Integral sobre a Enfermidade Profesional (EP), co obxectivo de ofrecer información clara, rigorosa e práctica sobre como identificar unha patoloxía de orixe laboral, como actuar ante a súa detección e cales son os dereitos que asisten á persoa traballadora.
A guía parte da idea de que a saúde laboral está directamente condicionada polas condicións de traballo. Distinguir entre unha enfermidade común e unha enfermidade profesional é determinante, xa que desta cualificación dependen tanto a protección sanitaria como as prestacións económicas e as posibles responsabilidades empresariais.
O documento explica de forma accesible o marco legal vixente e a definición técnica de enfermidade profesional, baseada no cumprimento da denominada tríade obrigatoria: a existencia dun axente de risco, a exposición laboral e un diagnóstico médico vinculado. Cando se cumpren estes requisitos, actívase unha presunción legal que protexe á persoa traballadora e facilita o recoñecemento da continxencia profesional.
Así mesmo, a guía detalla a clasificación oficial dos riscos e axentes patóxenos, agrupados en seis grandes bloques (axentes químicos, físicos, biolóxicos, inhalación de substancias, enfermidades da pel e axentes carcinóxenos), e subliña a importancia dunha correcta identificación do risco para evitar que as mutuas deriven indebidamente estas patoloxías a continxencias comúns.
Outro dos eixes centrais do documento é o protocolo de actuación ante a sospeita dunha enfermidade profesional, que inclúe desde a asistencia inicial na mutua ata a solicitude de determinación de continxencia ante o INSS, pasando pola recompilación de probas médicas e técnicas.
A guía tamén recolle de forma detallada os dereitos e coberturas que se derivan do recoñecemento dunha enfermidade profesional: asistencia sanitaria e rehabilitación sen custo, prestacións económicas máis favorables, posibles indemnizacións e o recargo de prestacións cando exista incumprimento das medidas de seguridade por parte da empresa.
Especial relevancia ten o apartado dedicado á enfermidade profesional tras a xubilación, desmontando o mito de que a retirada da vida laboral extingue o dereito a reclamar. Moitas patoloxías laborais aparecen anos despois, e o seu recoñecemento segue sendo posible se se acredita o nexo causal coa actividade desenvolvida.
Por último, CSIF lembra a responsabilidade legal das empresas en materia de prevención e reafirma o seu compromiso sindical na defensa da saúde laboral, esixindo a actualización do cadro de enfermidades profesionais, unha vixilancia da saúde real e efectiva, e unha coordinación adecuada entre mutuas, servizos públicos de saúde e empresas.
Desde CSIF anímase a todas as persoas traballadoras a coñecer os seus dereitos, detectar a orixe laboral das súas patoloxías e non aceptar sen máis unha cualificación de enfermidade común cando existan indicios claros de orixe profesional, recorrendo sempre ao asesoramento das delegadas e delegados sindicais.
A Dirección Xeral de Emprego Público (DXEP) informou onte, na Mesa Sectorial de Persoal Funcionario, sobre o calendario previsto para a resolución do Concurso de Traslados da Administración Xeral.
Hoxe publícase no DOG a RESOLUCIÓN do 13 de febreiro de 2026 pola que se convocan as actividades de formación continua para o persoal ao servizo da Administración xeral da Comunidade Autónoma de Galicia, das entidades públicas instrumentais do sector público autonómico e da Administración institucional.
Vimos de ser convocados a unha xuntanza da Mesa Sectorial de Funcionarios o próximo luns 20 de febreiro para tratar a proposta de modificación da RPT da Consellería de Cultura, Lingua e Xuventude e da Axencia Galega de Calidade Alimentaria (AGACAL).
Seguir leyendo «Mesa Sectorial 20 Febreiro: RPT´s Consellería de Cultura e AGACAL»
Con motivo da celebración das festas do Entroido, infórmase da modificación da xornada laboral para os días 17 e 18 de febreiro de 2026, aplicable ao persoal empregado público da Xunta de Galicia naquelas localidades nas que non estea establecido como festivo local.
Seguir leyendo «Modificación da xornada os días 17 e 18 de febreiro»
