Novas Emprego Público: Datas para adxudicacións, baremos e tomas de posesión en varios procesos da Xunta

Publicado el por heraldtoupeiras

A Dirección Xeral de Emprego Público informou na Mesa Sectorial celebrada hoxe do calendario previsto para distintos procesos selectivos e de provisión de postos  dos ámbitos de arquivos, bibliotecas e museos, arqueoloxía, restauración, delineación, veterinaria, educación infantil, laboratorios, mantemento, limpeza, recursos naturais e forestais, xerocultura e persoal de servizos xerais.

 Estes son os prazos comunicados para cada un dos procesos:

F0225 – Arqueoloxía; técnica de restauración; técnica de delineantes; de facultativos de arquivos, bibliotecas e museos; de axudantes de arquivos, bibliotecas e museos; técnica de arquivos, bibliotecas e museos, e auxiliar de arquivos, bibliotecas e museos.

  •  O venres 19 de Xuño publicarase Resolución de adxudicación de postos e a elección de destinos (2 Convocatorias en Provisional, Concurso, Estabilización e Concurso Oposición Estabilización.). A toma de posesión será no mes de setembro.

F0325 . Corpo facultativo superior de Administración especial da Administración xeral da Comunidade Autónoma de Galicia, escala de veterinarios.

    • No mes de xullo publicarase o baremo provisional

F0425. Laboratorio, mantemento, limpeza cociña, recursos naturais e forestais.

    • Semana do 22 ao 26 de xuño Resultado de adxudicación de postos deste concurso. Os datos da elección de destino sairán, previsiblemente, a finais de xullo ou na primeira quincena de setembro.

F0326.Corpo facultativo de grao medio, escala técnica facultativa, especialidade de educador e educadora infantil; corpo de técnicos/as de carácter facultativo, escala de axentes técnicos/as facultativos/ as, especialidade de educación infantil; corpo de auxiliares de carácter técnico, escala auxiliar de coidadores.

    • Primeira quincena de xullo adxudicación de postos e elección de destino e o 1 de setembro producirase a toma de posesión.

F0426. Corpo de auxiliares de carácter técnico, escala de xerocultor ou xerocultora, e do corpo da Administración xeral da Comunidade Autónoma de Galicia, corpo auxiliar, escala de persoal de servizos xerais (PSX).

    • Mes de xullo publicarase o baremo provisional.