CSIF, en colaboración coa Academia Galega de Seguridade Pública (AGASP), co Centro de Estudos de Seguridade da USC (CESEG) e a Asociación Internacional de Policía (IPA),convoca a xornada  formativa ‘Terrorismo xihadista: análise e risco’ co fin de facilitar unha visión completa sobre este tipo de terrorismo desde a súa  orixe, evolución e situación actual. A convocatoria sae hoxe publicada no DOG.

A xornada gratuíta, destinada a persoal da Policía local, Policia Nacional, Garda Civil e Unidade da Policía Nacional Adscrita a Galicia, así como a persoal da carreira xudicial, fiscal e letrados da Administración de Xustiza e persoal de institucións penais, tamén ofrecerá orientacións básicas sobre medidas de autoprotección e formas de proceder e fomentar a prevención activa

Temas que se abordarán:

1. Riscos e ameazas para a seguridade en España.
2. Evolución recente do DAESH.
3. Aplicación dun protocolo antixihadista: experiencias desde a formación.
4. Análise do terrorismo islámico desde a perspectiva histórica.
5. O xihadismo como ameaza de Occidente: protocolos de seguridade, ameaza en espazos públicos e con grandes aglomeracións, análises dos últimos atentados e a figura do lobo solitario.
6. Resposta xudicial ao terrorismo.
7. O papel das mulleres europeas na xihad global.
8. Ciberespionaxe: tratamento da ameaza.
9. Explotación das capacidades de intelixencia na loita contra o terrorismo xihadista.
10. O papel das forzas e corpos de seguridade ante o terrorismo xihadista.

O persoal que desexe participar no curso deberá cubrir antes do 21 de abril o formulario de matrícula telemática na web da AGASP. Na mesma páxina se publicarán as solicitudes de participación seleccionadas.

Convocatoria do curso:

• Lugar: AGASP

• Datas: 26 e 27 de abril de 2017.

• Horario: das 9.30 ás 14.00 e das 15.30 ás 19.00 horas.

Ao finalizar a actividade entregarase un certificado de asistencia a todas aquelas persoas que acrediten á súa asistencia continuada a esta e superen as correspondentes probas de coñecementos.

A xornada enmárcase na formación continua da CSIF sobre terrorismo xihadista co obxectivo de dar resposta ás demandas dos Corpos e Forzas de Seguridade por adquirir coñecementos e obter información actualizada nun dos temas de maior preocupación.