ALEGACIONS DA CSI•F Á PROPOSTA DE ACORDO SOBRE O RECOÑECEMENTO DA CATEGORÍA DE BOMBEIRO FORESTAL
I. Proponse una redacción alternativa do Capítulo I. BOMBEIRO FORESTAL:
Primeiro. Modifícase o anexo de categorías do V Convenio colectivo do Persoal Laboral da Xunta de Galicia para a súa adaptación á categoría de Bombeiro Forestal do seguinte xeito:
a) – Se inclúen dentro do grupo profesional de Bombeiro Forestal as categorías que participan na prevención e na extinción directa de incendios forestais e recollidas no artigo 3.18 do Anexo do Convenio “Condicións especiais de traballo do Persoal do Servizo de Prevención e Defensa Contra os Incendios Forestais (SPDCIF) da Xunta de Galicia”.
| DENOMINACIÓN DE ORIXE | NOVA DENOMINACIÓN |
| Peón do SPDCIF | Bombeiro Forestal do SPDCIF |
| Peón condutor do SPDCIF | Bombeiro Forestal. Condutor de brigada do SPDCIF |
| Vixilante Móbil do SPDCIF | Bombeiro Forestal. Vixilante Móbil do SPDCIF |
| Condutor de Motobomba do SPDCIF | Bombeiro Forestal. Condutor Motobomba do SPDCIF |
| Xefe de Brigada do SPDCIF | Bombeiro Forestal. Xefe de Brigada do SPDCIF |
b) – Tamén se inclúen dentro do grupo profesional de Bombeiro Forestal as categorías que participan na prevención e na extinción directa de incendios forestais e non recollidas no artigo 3.18 do Anexo do Convenio “Condicións especiais de traballo do Persoal do Servizo de Prevención e Defensa Contra os Incendios Forestais (SPDCIF) da Xunta de Galicia”.
| DENOMINACIÓN DE ORIXE | NOVA DENOMINACIÓN |
| Peón de brigada helitransportada do SPDCIF | Bombeiro Forestal. Brigada helitransportada do SPDCIF |
| Peón condutor de brigada helitransportada do SPDCIF | Bombeiro Forestal. Condutor de brigada helitransportada do SPDCIF |
| Oficial de Defensa Contra Incendios Forestais | Bombeiro Forestal. Oficial do SPDCIF |
| Xefe de Brigada de helitransportada do SPDCIF | Bombeiro Forestal. Xefe de brigada helitransportada do SPDCIF |
| Técnico de Brigada de helitransportada do SPDCIF | Bombeiro Forestal. Técnico de brigada helitransportada do SPDCIF |
| Técnico de apoio do SPDCIF | Bombeiro Forestal. Técnico de apio do SPDCIF |
c) – Asemade se inclúen no grupo profesional de Bombeiro Forestal as categorías que integran o área funcional de vixilancia e detección de incendios, comunicacións e xestión e tratamento de datos do SPDCIF, e non recollidas no artigo 3.18 do Anexo do Convenio “Condicións especiais de traballo do Persoal do Servizo de Prevención e Defensa Contra os Incendios Forestais (SPDCIF) da Xunta de Galicia”.
| DENOMINACIÓN DE ORIXE | NOVA DENOMINACIÓN |
| Vixilante Fixo do SPDCIF | Bombeiro Forestal. Vixilante fixo do SPDCIF |
| Emisorista do SPDCIF | Bombeiro Forestal. Emisorista do SPDCIF |
| Operador codificador de datos SPDCIF | Bombeiro Forestal. Operador Codificador de datos SPDCIF |
Segundo. A modificación da denominación das categorías non comportará modificacións das súas funcións actuais recollidas no Anexo do Convenio “Condicións especiais de traballo do Persoal do Servizo de Prevención e Defensa Contra os Incendios Forestais (SPDCIF) da Xunta de Galicia”. Dito cambio de denominación tampouco comportará modificación das súas retribucións nin reclasificación do grupo establecido no actual V Convenio Colectivo.
II. Proponse unha redacción alternativa do Capítulo II. SEGUNDA ACTIVIDADE
Conscientes, tanto a administración como as organizacións sindicais, dos riscos laborais deste colectivo que se acentúan coa maior idade dos seus integrantes e co fin de posibilitar o pase á segunda actividade acórdanse as bases da mesma:
Primeiro.-Segunda actividade.
A segunda actividade consistirá na realización de tarefas desligadas da extinción directa e a desenvolver no mesmo ámbito territorial en que viña desempeñando o seu posto o traballador que se acolla a ela.
A segunda actividade será en todo caso voluntaria.
Segundo.-Requisitos
Poderán pasar a segunda actividade os empregados que pertenzan a algunha das categorías relacionadas nos apartados a) e b) do punto primeiro do apartado anterior deste acordo sempre que non estén acollidos a xubilación parcial polas seguintes causas:
- Por petición propia unha vez cumpridos 60 anos de idade.
- Por ter sido declarado “apto con restricións”. Neste último caso volverase a actividade normal cando o traballador sexa declarado “apto”
Segundo.- Contratación de persoal laboral.
Se contratará persoal substituto para cubrir o posto de traballo que quede libre a causa do pase á segunda actividade dos titulares dos postos de traballo. Dita contratación realizarase a través das listas de contratación temporal da Xunta de Galicia.
O desenvolvemento do presente acordo no que respecta a segunda actividade se concretará e negociará coas organizacións sindicais no prazo máximo de 2 meses dende a súa sinatura.