Novas sobre a reunión para a integración dos veterinarios adscritos da Consellería do Mar

Publicado el por heraldtoupeiras

Reunión (13-xullo-2017) das OO.SS coa Consellería do Mar para a integración do persoal veterinario adscrito  desta consellería no acordo aplicable aos veterinarios da Consellería de Medio Rural e da Consellería de Sanidade.  

POSTURA DA VICESECRETARIA XERAL TÉCNICA:

  • Defende programables e non programables. Aceptan rebaixar a 5 as quendas de localización nas non programables, e non aceptan a voluntariedade nas de prolongación horaria.

Informa de que a reunión final de negociación do acordo terase que facer na COMISIÓN DE SEGUIMENTO DO ACORDO APLICABLE AOS VETERINARIOS, que terá lugar a finais de xullo, segundo lle comunicou FUNCIÓN PÚBLICA, que é quen  a convocará. 

(CSIF ven de solicitar a Función Pública a adhesión ao Acordo de Veterinarios).

  • Confirma que non se amortizara a praza de GARDACOSTAS nivel 16.
  • Sostén que as programables nocturnas se paguen a 22 euros, pero considerando un mínimo de horas computables, e dicir, se se realiza unha actuación nocturna, que é de aproximadamente 2 horas, se computen por exemplo mínimo 5 HORAS. ( AUN  NON SE DEFINEU, É  SÓ UN EXEMPLO).
  • Encomendoulle á Xefatura do Servizo do Sicor que estableza un plan de actuación en referencia das  actuacións programables (unha serie de actuacións programables por inspector).

POSTURA DA XEFATURA DO SERVIZO DO SICOR:

  • Defende as actuacións PROGRAMABLES e NON PROGRAMABLES e, dentro das programables, tamén as nocturnas.
  • Defende a racionalidade á hora de aplicar ditas actuacións.

POSTURA DE CSIF:

  • Defendemos que nas alegacións presentadas non houbera PROGRAMABLES porque as actuacións propostas se consideraban unha autentica TURNICIDADE, e non se presentou en ningún momento unha relación especifica das actuacións a realizar.
  • Pedimos por escrito as novas propostas e que se concrete máis o acordo para que nada quede sen definir, xa que, a pesar da boa relación coa a Xefatura de Servizo, calquera aspecto debe quedar claramente especificado.
  • Solicitamos a inclusión da conciliación familiar no desempeño das actuacións.

PRÓXIMA REUNIÓN:

A Vicesecretaria entregará proximamente aos sindicatos as novas propostas por escrito despois que o xefe de Servizo lle entregue a proposta de actuacións programables, á que se poderá facer alegacións.