Mentiras e enganos, a única verdade sobre a Lei de Medidas

A pesar de que a mentira e o engano son accións parecidas, na realidade son diametralmente opostas.

A mentira consiste en afirmar algo que é falso, aínda cando creemos que é certo. Un exemplo sería cando se afirmaba que a Terra era plana. Non era verdade pero quen o afirmaba realmente así o cría. Estábase a mentir afirmando algo que non era certo, pero sen intención de facer dano a ninguén e sen que houbera malicia.Pero cousa diferente é o engano. No engano existe unha vontade, unha premeditación, a busca dun beneficio, así como causar o prexuízo noutras persoas.

Nos últimos tempos, con motivo do proxecto da Lei de Medidas Administrativas que a Xunta de Galicia remitiu ao Parlamento sen negociación previa coas Organizacións Sindicais, algunha organización “para-sindical” está a tratar de aproveitarse do lóxico cabreo e preocupación que dita Lei está a provocar nos traballadores. Lamentablemente, dita organización está a desinformar e a verter acusacións falsas de forma premeditada contra da postura e actuacións doutras organizacións sindicais. Dito máis claramente, de forma premeditada estase a manipular as informacións na direccións dos seus propios intereses, aplicando o refrán de oportunidade de “a rio revolto, ganancia de pescadores”.

Ante esta falta de escrúpulos por parte de algúns que se auto denominan “compañeiros e compañeiras”, vémonos na obriga de reincidir nas informacións e actuacións que dende CSIF se levaron a cabo para combater os contidos da Lei de Medidas así como de reiterar a información veraz a todos os traballadores para que poidan xulgar por eles mesmos e decidan quen os representa e quen non.

Día 16 de decembro de 2016:

CSIF denuncia que a Xunta pretende impoñer un proceso de “interinización” ao persoal laboral temporal baixo ameazas de despidos. Funcionarización sí… pero non así! Ameazas de despidos NON

Día 19 de decembro de 2016:

CSIF denuncia que Facenda sáltase a Lei e prescinde nesta lexislatura da negociación colectiva en materia de emprego público

Día 19 de decembro de 2016:

CSIF denuncia que Facenda trata de burlar por lei o dereito á indemnización de máis de 3.600 traballadores temporais da Xunta

Día 21 de decembro de 2016:

CSIF denuncia que a Xunta rebenta o Acordo de integración do Consorcio e racha as negociacións co Comité Intercentros

Día 21 de decembro de 2016:

CSIF inicia rolda de contactos cos Grupos Parlamentarios para presentar emendas á Lei de Medidas Administrativas para o ano 2017

Día 21 de decembro de 2016:

CSIF presenta o cadro comparativo das normas que modifica a Lei de Medidas así como as emendas que presentou a todos Grupos Parlamentarios

Día 22 de decembro de 2016:

CSIF denuncia a creación da Escala de PSX e a agresión aos funcionarios pertencentes á Agrupación Profesional de Subalternos e ao Corpo de Auxiliares Administrativos: Herald Toupeira Special Edition. De “La cabaña del Tío Tom” a “La cabaña del Tio Valeriano”

Día 03 de xaneiro de 2017:

CSIF denuncia que Facenda provoca a confrontación premeditada entre o persoal laboral da Xunta e os traballadores do Consorcio de I+B. A sabotaxe premeditada do Acordo do persoal do Consorcio de I+B por parte de Función Pública

Día 11 de xaneiro de 2017:

O TSXG admite a trámite o Recurso de CSIF contra a Xunta de Galicia por non negociar a Lei de Medidas Administrativas. CSIF é o primeiro sindicato que denuncia a falta de negociación ante o Tribunal Superior de Xustiza de Galicia

Día 20 de xaneiro de 2017:

CSIF esixe a Función Pública garantías expresas de que a aplicación do artigo 12 da Lei de Medidas Administrativas non conlevará amortizacións de postos nin despedimentos do persoal laboral temporal

É unha irresponsabilidade moral a utilización e a manipulación dos traballadores cando estes atópanse preocupados polo seu futuro laboral e en situación de indefensión. Cando os intereses son coincidentes, xa sexa na rúa, nas mesas de negociación ou nos tribunais de xustiza, a unión de todos fai a forza pero o engano dalgúns destrúe.

MINTAN, PERO NON ENGANEN!!

“Malditos aquellos que con sus palabras defienden al pueblo y con sus hechos lo traicionan…” (Benito Juárez)

Mantente ben informado:

Herald www.heraldtoupeiras.com